Drita e mposhti Prishtinën në kuadër të javës së 35-të në BKT Superligën e Kosovës me rezultat 1-0.
Gjilanasit nuk kishin nevojë shumë për këtë fitore, sa kishin bardhëekaltrit për t’i shpëtuar luftës për barazh.
Pas ndeshjes, trajneri i Dritës, Ardian Nuhiu ka thënë se ata fituan shkaku që vendasit ishin nën presion për të triumfuar.
“Çdo ndeshje e fituar është realisht e bukur. Kundërshtari ishte në presion të rezultatit, por jo edhe ne”, ka thënë pas ndeshjes ai për ArtSport.
“Ne jemi të fokusuar te ndeshja e Kupës. Prishtina ka cilësi për të luajtur ndeshje më të shpejtë, më dinamike”.
“Fokusi ynë është te Kupa”, ka shtuar Nuhiu që ditë më parë vazhdoi kontratën me Dritën.
Me këtë fitore, Drita gjendet në vendin e tretë me 61 pikë, ndërsa Prishtina në të gjashtin me 48 sosh dhe vazhdon luftën për t’i ikur barazhit, kur ka mbetur vetëm edhe një xhiro deri në fund. /Telegrafi/