Ardian Nuhiu është deklaruar pas barazimit 2-2 të Dritës në ndeshjen e parë të sezonit 2022/23 në BKT Superligën e Kosovës si mysafir i Trepçës ’89.
Strategu i skuadrës nga Gjilani ka thënë se fillimi i tyre ishte i dobët, por që ishin të kënaqur me mënyrën se si e përfunduan.
“Filluam keq. Ishim me vonesë dhe nuk luajtëm ashtu siç ne ishim përgatitur. Ishim të ngathët dhe krijuam pak raste”, ka deklaruar fillimisht ai.
“Ne nuk realizuam më herët, ndërsa kundërshtari i shfrytëzoi mundësitë që i pati. Pas gjithë asaj që shkoi keq, kishim edhe zëvendësime të detyrueshme”.
“Dhe kur e shoh përfundimin e ndeshjes, duhet të jemi të kënaqur”, ka shtuar më tej Nuhiu. /Telegrafi/