Këngëtarja Nora Istrefi dhe partneri i saj, Robert Berisha, u ndanë para disa muajve.
Dyshja e famshme janë komentuar tejet shumë në mediat rozë për tradhti, ribashkim dhe jo vetëm, megjithëse nuk është kuptuar qartë nëse ata janë ndarë vërtetë.
Roberti është treguar i hapur dhe ka shpërndarë edhe zemra në Instagramin e Norës, mirëpo nga kjo e fundit deri sonte nuk është bërë diçka e tillë.
Megjithatë, këngëtarja Istrefi së fundmi në një postim të publikuar në InstaStory ka shpërndarë këngën e re “T’kam dasht” të Berishës, duke i ofruar përkrahje për një tjetër sukses të tij.
Me këto veprime të të dy palëve lirshëm mund të thuhet se ish-çifti ruajnë raporte të mira pasi kanë edhe një vajzë bashkë të quajtur, Renee.
Në anën tjetër, artisti Berisha në shumë prej intervistave të tij ka deklaruar se Nora do mbetet gjithmonë bashkëshortja e tij.
Madje, ai u shpreh se do të martohet sërish me të nëse do i kalonte edhe 14 vite tjera të lumtura. /Telegrafi/