I propozuari nga AAK për ministër të Drejtësisë në një qeveri të mundshme të drejtuar nga Avdullah Hoti, Selim Selimi ka komentuar edhe rastin e deputetit Etem Arifi.
Selimi në “Debat Plus” me Ermal Pandurin në RTV Dukagjini ka komentuar edhe rastin e deputetit Etem Arifi nëse vota e tij ka vlefshmëri në Kuvend apo jo, përcjell Telegrafi.
“Ekziston rregulloja e Kuvendit edhe ligjet për ekzekutimin e sanksioneve penale që kufizojnë lirinë e lëvizjes dhe marrjen e ushtrimit të funksionit të njëjtit. Mandati i deputetit është mandat që ushtrohet. Ai ushtrohet duke marrë pjesë në seanca dhe duke votuar. Sa i përket kufizimit të lirisë së lëvizjes, ajo parashihet vetëm me dhënie të dënimit me burg. Ekzekutimi i rastit ndaj Etem Arifit nuk ka qenë duke u ekzekutuar pasi që ai ende e ka një mjet të pashfrytëzuar”.
I propozuari nga AAK për ministër të Drejtësisë ka thënë se pjesëmarrja në seancë Etem Arifit i garantohet me Kushtetutë, ligj dhe rregullore të Kuvendit.
“Ligjet e tanishme ja lejojnë atit të jetë deputet. Kur të jetë deputet ai ka obligime dhe të drejta”, tha ndër të tjera Selim Selimi./Telegrafi/