“No Rich Parents” i Mozzik dhe Loredanës shfaqet në një ‘billboard’ në Gjermani

Ish-çifti i njohur i showbizit shqiptar, Mozzik dhe Loredana Zefi, ditë më parë sollën albumin e ri të përbashkët të titulluar, “No Rich Parents”.

Dyshja, të cilët u ndanë sërish pak javë më parë, publikuan disa këngë nga të cilat u mësuan edhe shumë gjëra të reja.

Derisa po komentohen në masë të madhe e po ashtu po shijojnë sukseset e këtyre projekteve, të njëjtit kanë ndarë edhe një lajm të rëndësishëm.

Ka qenë Mozzik ai i cili ka ndarë disa fotografi në InstaStory, në të cilat tregon se është vendosur një reklamë e madhe promovuese për albumin e tyre.

Lexo po ashtu Loredana dhe Mozzik publikojnë albumin e shumëpritur “No Rich Parents”

Yjet nga Ferizaj shfaqen krenarë me ‘billboard’-in e vendosur në një qendër tregtare në Berlin të Gjermanisë.

Nga “No Rich Parents” kënga “Immer ëenn es regnet” apo “Sa herë që bie shi” ka qenë në qendër të vëmendjes pasi sqaruan marrëdhënien që kanë me njëri-tjetrin, të cilët siç edhe theksuan nuk mund të qëndrojnë bashkë e as të ndarë.

Ata ndërkohë kanë së bashku edhe një vajzë të quajtur, Hana. /Telegrafi/