Një vajzë publikisht ka pranuar se nuk ka edhe aq shumë fat në dashuri pasi nuk po mund të gjej partnerin e jetës, për shkak se është shumë e bukur.
Cherelle Neille 26-vjeçe nga Mançesteri, thotë se fytyra e saj e bukur është mallkim për të, pasi që kandidatët e mundshëm për të dashur e shohin vetëm si “bukuroshe” për ta mbajtur në krah dhe për të shitur mend para shokëve të tyre, transmeton Telegrafi.
Ajo është e bindur se vajzat e thjeshta kanë më shumë fat në një marrëdhënie të qëndrueshme.
Ish-modelja nuk e ka problem të pranojë, se pamja e saj engjëllore po i frikëson meshkujt të cilët në shumicën e rasteve mendojnë se ajo nuk ka një personalitet të mirë.
Ajo ka hequr dorë nga dashuria dhe është lodhur nga të gjithë ata meshkuj që e shikojnë pamjen e saj, dhe nuk e vlerësojnë shumë në bazë të karakterit që ajo e ka. /Telegrafi/