Will Sherrer jeton në një çerek hektarë tokë në Teksas me të dashurën e tij dhe foshnjën e tyre të porsalindur, përcjell Telegrafi.
Por si “pjesë e familjes së tij” janë edhe tre krokodilë, tre gjarpërinj, katër hardhucë gjigantë, gjashtë mace, katër qen dhe jo vetëm.
Will, 33 vjeç, i cili ka punuar me kafshë për 18 vitet e fundit ka thënë se është një biolog i jetës së egër, kështu që kjo e ndihmon në rehabilitimin e kafshëve të egra që janë lënduar ose “jetime” deri sa të jenë gati për t’u lëshuar.
“Ne gjithashtu marrim kafshë ekzotike që njerëzit kanë blerë si kafshë shtëpiake dhe nuk mund t’i trajtojnë më”.
“Shumë njerëz mendojnë se mund të trajtojnë një krokodil ose gjarpër si kafshë shtëpiake, por më pas ato rriten dhe bëhen jashtëzakonisht të rrezikshme”.
“Kështu që ato përfundojnë tek unë”.
Will vlerëson se ai harxhon rreth 500 dollarë në muaj për të ushqyer zvarranikët, por faturat e veterinarisë janë shumë më të shtrenjta. /Telegrafi/