Njihuni me Lasse Stolley – një 17-vjeçar që jeton në trena duke përdorur një biletë sezoni prej 10 mijë euro në vit, për të kaluar nga një shërbim në tjetrin.
Ky udhëtar i trenave udhëton 600 milje në ditë në të gjithë Gjermaninë me trenat e Deutsche Bahn (DB) duke përdorur Bahncard 100 – një leje hekurudhore e pakufizuar që madje i lejon atij të hipë në klasin e parë, transmeton Telegrafi.
Ai fle në trenat ICE gjatë natës, ha mëngjes në sallonet e DB dhe bën dush në pishina publike. Dhe gjithçka është plotësisht e ligjshme.
Lasse vendosi të largohej nga vendlindja e tij në Fockbek, Schleswig-Holstein, kur ishte vetëm 16 vjeç për të nisur një aventurë të pazakontë.
Çfarë mendojnë prindërit e tij për të? “U desh shumë kohë për t’i bindur” përpara se ata të binin dakord dhe e ndihmuan atë të pastronte dhomën e fëmijërisë.
Koduesi i vetëpunësuar nuk ka adresë të përhershme dhe e do jetën në hekurudhë. Ai poston rregullisht përditësime në blogun e tij, Life on the Train.
Gjatë ditës, ai ulet në një tavolinë dhe punon rreth udhëtarëve dhe pasagjerëve të përgjithshëm. Në mbrëmje vendos një shtrat të vogël përgjatë ulëseve të trenit, ndërsa udhëton nga një skaj i vendit në tjetrin. /Telegrafi/