Njëzet futbollistë të Real Madridit ishin të angazhuar me kombëtaret e tyre në ndeshjet e fundit miqësore.
Futbollistët e trajnerit Zinedine Zidane kanë vrapuar së bashku gjatë këtyre paraqitjeve 2,649 minuta.
Gjatë takimeve zyrtare të lejuar prej FIFA-s, kanë udhëtuar me kombëtaret e tyre së bashku 127,617 kilometra. Vetëm Theo Hernandez, Marcos Llorente dhe Karim Benzema dhe ekipi i dytë kanë qëndruar këto ditë në Valdebebas.
Shtatë nga njëzet futbollistët, Carvajal dhe Ramos (Spanjë), Keylor Navas (Kosta Rika), Marcelo dhe Casemiro (Brazil), Kroos (Gjermani) dhe Ceballos (Spanjë U-21), kanë luajtur në dy miqësoret para fillimit të kampionatit botëror në Rusi.
Ky akumulim i minutave dhe udhëtimeve kanë ardhur para fillimit të ndeshjeve të prillit me një kalendar që është shumë i ngarkuar për Real Madridin.
Los Blancos kanë gjashtë takime brenda 18 ditëve, përkatësisht që nga data 31 mars deri më 18 prill, duke përfshirë edhe dy çerekfinalet e Ligës së Kampionëve kundër Juventusit.
Të bardhët nuk do të marrin pushim deri në fundjavën e 22 prillit, në të cilën ndeshja e tyre kundër Sevillës do të shtyhet për shkak se të fundit luajnë në finalen e Copa del Rey kundër Barcelonës. /Telegrafi/