Alpinistja që lëndoi këmbën derisa po shëtiste në një pjesë shkëmbore në Utah të Shteteve të Bashkuara, është shpëtuar nga një dron, i komanduar nga departamenti policor.
Gjatë shëtitjes në një zonë turistike, 65-vjeçarja që ishte së bashku me tri shoqëruese, ka rrëshqitur dhe u rrëzua për disa metra, duke mos mundur të lëvizte më, transmeton Telegrafi.
Me të kërkuar ndihmë, njësiti për shpëtimi është lëshuar nga shkëmbi i lartë 120 metra, por nuk kishin litar aq të gjatë për t’i dalë në ndihmë dhe nuk arrinin t’i afroheshin.
Për këtë arsye, është nisur një dron, që ka sjellë litarin shtesë, që i është bashkëngjitur litarit të njësitit për shpëtim dhe nisën ta ngrehin lartë alpinisten e lënduar.
Kohëve të fundit, dronët kanë treguar sukses shumë të madhe në gjetjen dhe shpëtimin e alpinistëve që hasën në vështirësi, sidomos në gjetjen e tyre gjatë orëve të natës. /Telegrafi/
