Një burrë që me sa duket parashikoi datën e vdekjes së Mbretëreshës Elizabeth II ka dhënë gjithashtu një paralajmërim për Mbretin e ri Charles III.
Logan Smith, i cili shkon me emrin Twitter @logan_smith526, fillimisht postoi në muajin korrik se monarku më jetëgjatë i Mbretërisë së Bashkuar do të vdiste më 8 shtator të vitit 2022, raporton themirror.
Data specifike u bë e vërtetë fatkeqësisht kur Mbretëresha ndërroi jetë “në mënyrë paqësore” të enjten e kaluar në Balmoral, ndërsa ishte e rrethuar nga anëtarët e familjes mbretërore, duke përfshirë mbretin Charles dhe Princeshën Anne.
Mesazhi i Smith tani është bërë viral, raporton dailystar, pasi ai gjithashtu pohoi në të njëjtin postim se Mbreti Charles do të vdiste më 28 mars të vitit 2026.
Përdoruesi e bëri llogarinë private pasi postimi filloi të përhapet në internet dhe që atëherë është pezulluar nga Twitter, transmeton Telegrafi.
Pamjet e parashikimit u shpërndanë në platforma të ndryshme të mediave sociale, përfshirë nga një përdorues i TikTok i quajtur @zukosburnteye, i cili postoi video me një shprehje të tronditur në fytyrën e saj.
Përdoruesi, i cili dukej se quhej Hailey, tha në mbishkrimin, “RIP to Logan. E di që britanikët po vijnë për të”.
Videoja e shkurtër fitoi më shumë se 91 mijë pëlqime pasi përdoruesit lanë komente në lidhje me tweet-in, me disa duke besuar se mund të ndodhë dhe të tjerë që pretendojnë se nuk do të ndodhë.
Mbreti Charles III, 73 vjeç, u bë automatikisht mbret sapo nëna e tij vdiq. Monarku i ri lindi më 14 nëntor 1948 si më i madhi nga katër fëmijët e Mbretëreshës dhe Filipit.
Ai besohej se kishte qenë më afër se kurrë më parë me nënën e tij, e cila vdiq në moshën 96-vjeçare, gjatë muajve të saj të fundit.
Funerali i mbretëreshës së ndjerë do të bëhet të hënën, më 19 shtator në orën 11:00 në Westminster Abbey. /Telegrafi/