Martyn Ford është një anglez nga Minëorth, një fshat pranë Sutton Coldfield në West Midlands. Ai gjithashtu njihet edhe me nofkën si ‘Njeriu më i frikshëm në Planet’.
Vëmendja aktuale po ndërtohet rreth 39-vjeçarit, i cili do të luftojë me ‘The Iranian Hulk’ , Sajad Gharibi, në muajin prill që po vlerësohet edhe si ‘ndeshja më e ashpër e boksit në histori të peshave të rënda’.
Lufta do të zhvillohet në një kafaz në O2 Arena të Londrës më 2 Prill 2022.
Pavarësisht se asnjëri prej luftëtarëve nuk ka pasur ndeshje profesionale në të kaluarën, të dy po publikojnë një seri videosh të frikshme, disi qesharake, që synojnë të frikësojnë njëri-tjetrin.
Në njërën, The Hulk thyen godet murin me grushte, ndërsa në një nga e Ford, shihet duke lëshuar goditje të fuqishme.
Duke shkruar në Instagramin e tij në pritje të betejës, Ford i dërgoi një paralajmërim rivalit të tij: “Është 100 për qind e aranzhuar, është e gjitha e nënshkruar, e vulosur dhe gati për të shkuar….. Unë absolutisht nuk e kam idenë se për çfarë po ndeshemi, por unë do të them këtë … jam duke u stërvitur gati për të mposhtur atë”.
Por kush është Ford, si arriti deri në këtë pikë dhe si e fitoi reputacionin e tij të frikshëm?
Sa është vlera neto e Martyn Ford?
Sipas faqes Popular Net Worth, Ford ka grumbulluar një pasuri prej katër milionë euro.
Pasi ka punuar në film dhe bodybuilding, nuk është çudi që njeriu i West Midlands ka fituar kaq shumë. Përveç kësaj, ai ka bërë edhe promovime për produkte në Instagramin e tij, duke përfshirë edhe rrjetin e veshjeve BooHoo.
Në kohën e shkrimit të artikullit, i forti ka ndjekës 3.3 milionë në Instagram.
Karriera e aktrimit të Martyn Ford
Përveç reputacionit të tij si një ndikues në rrjetet sociale dhe bodybuilder, Ford është gjithashtu edhe një aktor.
Ai ka luajtur në një sërë filmash, ndoshta më të dalluarin në Kingsman: The Golden Circle së bashku me Colin Firth, Michael Gambon dhe Taron Egerton.
Duke qëndruar me peshë rreth 145 kilogramë, konstruksioni atletik i Fordit pa dyshim i jep vetes shumë personazheve në ekran.
Ai ka gjithashtu pjesë të luajtura në Fast & Furious 9: The Fast Saga, Final Score dhe The Nevers.
A është Martyn Ford i martuar?
Martyn Ford është i martuar me Sacha Stacey. Ashtu si bashkëshorti i saj, Stacey është gjithashtu e njohur për fitnesin e saj, duke postuar shpesh foto dhe klipe të stërvitjeve për ndjekësit e saj prej rreth 30,000 personash në Instagram.
Çifti u martua në tetor të vitit 2009, pasi festuan 11 vjetorin e martesës vitin e kaluar. /Telegrafi/