Njëri prej lojtarëve më të mirë në futbollin tonë, Mentor Zhdrella, i ka dhënë fund karrierës së tij.
Ai për shumë vite ishte njëri prej futbollistëve më të dalluar të futbollit kosovar, duke fituar trofe me klube dhe individuale.
Zhdrella ka bërë karrierë te 2 Korriku, Hysi, Prishtina, Drita, Feronikeli, Llapi, KEK-u dhe Dukagjini.
Ai ka qenë edhe reprezentues i Kosovës në disa ndeshje.
Ka qenë vet ylli i futbollit që ka njoftuar pensionim përmes një njoftimi në rrjetet sociale.
“Ndjej kënaqësi të jashtëzakonshme kur kthej kokën mbrapa dhe shikoj atë çfarë kam bërë në futboll në këto 20 vite të kaluara, ku kam bërë shoqëri fantastike dhe shumë trofe të fituara si dhe suksese individuale të arritura”.
“Jam gjithmonë mirënjohës klubit të 2 Korrikut, aty ku fillova ta jetësoj ëndrrën. Po ashtu e paharruar në memorien time do të mbetet epoka që kam kaluar me Prishtinën, Hysin, Dritën, Feronikelin, Llapin, Dukagjinin e Kekun si dhe kulminacioni i krenarisë që ishte fanella e kombëtares së Kosovës”, përfundoi Zhdrella. /Telegrafi/