Sipas Deutsche Welle, pas marrjes së parave në çantat e famshme Louis Vuitton, njëri nga të dyshuarit në rastin ‘Haraçi’ për vetëm disa ditë jashtë vendit ka shpenzuar rreth 180.000 euro.
Sipas informacioneve të Deutsche Welle, është e mundur që edhe persona tjerë të përfshihen në hetim. Bëhet fjalë për bashkëpunëtorë të njërit nga të dyshuarit, emrat e të cilëve janë cekur në disa dëshmi të deritashme për këtë rast, përcjell Telegrafi Maqedoni.
Deri tani nuk ka përgjigje nëse kjo mund të ndërlidhet me deklaratën që para një jave e dha pensionistja Liljana Todorovska, e cila ka dhënë idenë e ndërtimit të kompleksit për personat e moshuar përmes organizatës joqeveritare ‘Lidhja ndërkombëtare’ të Bojan Jovanovskit.
Në bazë të marrëveshjes me këtë organizatë joqeveritare, te xhirollogaria bankare janë bartur 720.000 euro, që menjëherë janë marrë nga persona bashkëpunëtorë të Jovanovskit.
Ndryshe, për këtë rast deri tani në paraburgim ndodhen 3 persona, Bojan Jovanovski i njohur si Boki 13, Zoran Milevski dhe Katica Janeva si e dyshuar e tretë./Telegrafi/