Një pilot ka vdekur dhe dy të tjerë janë plagosur kur dy aeroplanë ushtarakë Hawk u përplasën në ajër gjatë stërvitjeve në Indi të martën.
Sipas mediave të huaja, përcjell Telegrafi, dy aeroplanë të Forcave Ajrore Indiane u rrëzuan në Indi gjatë një seance provë, për një shfaqje ajrore të ardhshme.
Siç thuhet tutje, aeroplanët Hawk nga Skuadra e Suryakiran Aerobatic u panë jashtë kontrollit përpara se hunda e një aeroplani të “godiste” bishtin e tjetrit ndërsa ata lëviznin në të njëjtin drejtim.
Mediat shkruajnë se aksidenti ndodhi rreth orës 11.50 të mëngjesit mbi bazën ajrore Yelahanka në veri të Bengaluru në jug të Indisë përpara shfaqjes Aero India që hapet nesër në qytet.
Një nga tre pilotët vdiq, ndërsa të dy të tjerët u nxorën dhe u dërguan në spital, me një nga njerëzit që kishte thyer dy këmbët.
Një civil u plagos gjithashtu nga mbeturinat në rënie, pasi aeroplanët e goditur ranë pranë një zone banimi.
Një video e publikuar në internet thuhet se tregon momentin kur aeroplanët u përplasen dhe dy figura shihen derisa largohen nga aeroplani i tyre. /Telegrafi/