Njëmbëdhjetë foshnje të porsalindura kanë vdekur pas një zjarri që shpërtheu në departamentin e të porsalindurve në Spitalin Mame Abdou Aziz Sy Dabakh në qytetin perëndimor senegalez të Tivaouane, tha presidenti i vendit Macky Sall të enjten.
“Sapo mësova, me dhimbje dhe shqetësim, vdekjen e 11 foshnjave të porsalindura”, tha Sall në një postim në Twitter, përcjell Telegrafi.
“Unë shpreh dhembshurinë time të thellë nënave dhe familjeve të tyre”, shtoi ai.
Në një deklaratë të enjten më vonë, ministria e shëndetësisë e vendit tha se ishte vendosur një plan reagimi emergjent dhe “po bëhen marrëveshje për ndihmën e familjeve të viktimave”.
Deklarata e ministrisë shtoi se ministri i Shëndetësisë Abdoulaye Diouf Sarr, i cili po merr pjesë në Asamblenë Botërore të Shëndetësisë në Gjenevë, kishte ndërprerë udhëtimin e tij dhe do të kthehej sot në Senegal. /Telegrafi/