Revista ekonomike amerikane “Forbes” ka publikuar listën e super-pasanikëve. Dhe Bill Gates nuk është më njeriu më i pasur në botë.
Ajo tashmë udhëhiqet nga themeluesi i kompanisë ‘Amazon’, Jeff Bezos. Ai ka një pasuri prej 112 miliardë dollarësh.
Para disa javësh, kompania ‘Amazon’ ka hapur dyert e kampusit të saj, që ka kushtuar plot 4 miliardë dollarë.
Kampusi është i vendosur në Siatëll dhe është një xhungël në mes të qytetit, përcjell mapo.al.
Zyrat e reja janë prezantuar nga drejtori i përgjithshëm, Jeff Bezos, njeriu më i pasur në botë.
Bëhet fjalë për tre sfera gjigante, që thuhet se janë ndërtuar me ndihmën e Alexa-s, asistentit inteligjent.
Brenda në sfera ka një bimësi që ka ardhur nga Amerika e Jugut, por edhe ujëvara të vogla.
Duket e pabesueshme, por gjatë vitit të kaluar, Bezos ka fituar plot 39.2 miliardë dollarë.
