Vitet 1990 ishin gjithashtu të çmendura, veçanërisht nëse i krahasojmë ato me trendet aktuale në industrinë e automjeteve.
Kjo makinë është mbase prova më e mirë se si e ka origjinën dhe çfarë nënkuptonte nocioni i ekzotizmit automobilistik. Dhe ndërsa sot duhet të admirojmë opsionet speciale të LED, ndriçimit të ambientit dhe parkimit autonom, në vitet nëntëdhjetë shoferi ishte akoma në plan të parë.
Emri Isdera Commendatore 112i duket si një përzierje e nomenklaturës së Lada-s dhe një pasardhëse e mundshme e Commodore 64, por në fakt është një makinë jashtëzakonisht serioze me një emër kushtuar Enzo Ferrarit, transmeton Telegrafi.
Ju e merrni me mend, aerodinamika është e nivelit të lartë dhe vëmendja i është kushtuar detajeve. Kështu, tehu i fshirësit të xhamit është zhvilluar shumë mirë, dhe njëpasqyrë vendoset në çati, e cila jep një pamje të pasme si në një periskop.
Për shkak të problemeve financiare, zhvillimi i kësaj makine nuk mund të shkonte deri në fund. Kështu, ky mbeti ekzemplari i vetëm që ka arritur të përshkojë pak më shumë se 10,000 km deri më sot.
Kjo është një makinë unike dhe pjesë e historisë së automobilave që me siguri do të marrë një çmim të shkëlqyeshëm. Le të presim vitin e ardhshëm kur do të ofrohet në ankand në shkurt në RM Sotheby’s. /Telegrafi/