Renault ka zbuluar pamjet e modelit të ri Renault 5 i cili zyrtarisht prezantohet më 26 shkurt të këtij viti.
5 thuhet të jetë kryefjala e panairit të Gjenevës, dhe fotografitë e postuara në rrjete sociale na japin një vështrim të hershëm të modelit të tij.
Përmasat e 5 dhe rrotat e tij duken të jenë të ngjashme me rivalin Mini Cooper, shkruajnë mediat e huaja, përcjell Telegrafi.
Megjithatë, ka ndryshime delikate ku përfshihen dritat LED, dorezat e dyerve, ngjyrat e ndezura, kabina dixhitale moderne, dhe timoni me shumë funksione.
Marka ka konfirmuar se bateria 52 kWh e 5 do ta lejojë atë të përshkojë një distancë prej 399 kilometrash me vetëm një karikim.
“Renault 5 është vetura që të gjithë e dëshirojnë. Është një legjendë që frymëzoi të gjitha gjeneratat dhe të gjithë e presin me padurim”, tha CEO i Renault, Luca de Meo.
Falë dinamikës së tij, 5 po krahasohet me Megane E-Tech dhe do të përmbajë motorë që prodhojnë 134 kuaj fuqi.
Edhe pse ky model pretendohet të jetë një lider në segmentin e tij, Renault synon që çmimi i tij të jetë më i ulët se i konkurrentëve të tij. /Telegrafi/
