Të tjera detaje kanë dalë rreth ngjarjes së rëndë të ndodhur në fshatin Gurez të Kurbinit, ku një person është vrarë me armë zjarri dhe një tjetër është plagosur.
Dyshohet se shënjestër e sulmit ka qenë 51-vjeçari A.Gj, i cili ishte edhe pronari i një kompanie inertesh në Kurbin.
Pronari mbeti i plagosur nga sulmi, ndërkaq u vra ekonomisti i firmës së tij, 70-vjeçari S.M.
Ndërkaq, Policia ka shkuar në vendngjarje, është rrethuar zona dhe vijon kontrolli i territorit.
Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.
Në ndihmë të Policisë vendore kanë shkuar forcat Kombëtare të Sigurisë dhe Forcat Speciale ‘Renea’. /Euronews.al/