Një person ka humbur jetën dhe shtatë tjerë kanë pësuar lëndime trupore në një aksident që ka ndodhur sot rreth orës 08:00, në rrugën lokale në fshatin Galicë të Vushtrrisë.
Lajmin e ka konfirmuar për Telegrafin, Avni Zahiti, zëdhënës i Policisë së Kosovës për rajonin e Mitrovicës.
“Në aksident është përfshirë një veturë, ku si pasojë e lëndimeve të pësuara rreth orës 11:00 nga SHSKUK-ja është raportuar se ka humbur jetën shoferi i veturës viktima H. S., 59 vjeçar, ndërsa lëndime kanë pësuar edhe shtatë pasagjeret që ndodheshin në automjet”, tha ai.
Zahiti tha se nga hetimet e para të zhvilluara në vendngjarje, bëhet e ditur se si shkaktar i aksidentit dyshohet të ketë qenë pakujdesia dhe mospërshtatja e shpejtësisë me kushtet e rrugës ku për pasojë vetura përfundon jashtë rruge.
“Me urdhër të prokurorit trupi i pa jetë i viktimës është dërguar në Institutin e Mjekësisë Ligjore”, shtoi mes tjerash ai./Telegrafi/