Një shpërthim i dyshuar nëntokësor i gazit hapi rrugën dhe përmbysi automjetet në zemër të qytetit më të madh të Afrikës së Jugut, duke vrarë një person ndërsa la të plagosur të paktën 41 njerëz.
Shkaku i shpërthimit, i cili ndodhi gjatë orës së pikut në qendër të Johanesburgut, mbeti i paqartë. Kompania që furnizon me gaz atë pjesë të qytetit tha se nuk ishin përgjegjës tubacionet e saj nëntokësore, siç menduan fillimisht autoritetet.
Trupi i të ndjerit u gjet gjatë një kontrolli në zonën e shpërthimit, tha zëdhënësi i Shërbimeve të Menaxhimit të Emergjencave të Johannesburg, Robert Mulaudzi në Twitter.
A security camera video from South Africa shows how vehicles were lifted into the air by a suspected underground gas explosion in Johannesburg which killed at least one person and injured dozens of others ⤵️
🔗: https://t.co/qTlffkXZ3t pic.twitter.com/NDggXoYcMe
— Al Jazeera English (@AJEnglish) July 21, 2023
Një hetim po zhvillohej pasi autoritetet e qytetit sollën specialistë për të përcaktuar nëse në zonë ndodheshin tuba ose kabllo të tjerë nëntokësor dhe nëse ekzistonte një kërcënim për një shpërthim tjetër ose rrjedhje gazi.
Disa njerëz u evakuuan nga zona për shkak të frikës së një shpërthimi të dytë ose se ndërtesat shumëkatëshe në një pjesë në qendër të qytetit mund të shemben.
Autoritetet vlerësuan se një zonë që mbulonte pesë blloqe të qytetit u dëmtua dhe të paktën gjashtë rrugë u prekën. /Telegrafi/