Provoni këshillat e amvisave me përvojë që mund t’ju ndihmojnë të zbardhni leckat e kuzhinës
Edhe pas disa përdorimesh, leckat e kuzhinës humbasin bardhësinë e tyre dhe sado të përpiqeni, disa njolla janë thjesht të vështira për t’u hequr.
Për fat të mirë, ekziston një recetë nga gjyshet tona që largon të gjitha papastërtitë, transmeton Telegrafi.
Çfarë ju nevojitet:
▪ një tenxhere e madhe me 10 litra plot me ujë
▪ dy lugë vaj gatimi
▪ pesë lugë zbardhues rrobash
▪ një gotë detergjent pluhur
▪ dy lugë pluhur për pjekje
Procedura:
Fillimisht ngrohni ujin në një tenxhere derisa të vlojë dhe më pas fikeni shporetin.
Përziejini të gjithë përbërësit, derdhni në ujë dhe fusni leckat.
Mbulojeni tenxheren dhe lëreni ujin të ftohet. Më pas nxirrni leckat, i fërkoni pak dhe i shpëlani.
Mund t’i zhytni edhe në një legen me ujë të pastër në të cilin keni tretur dy lugë sodë buke dhe t’i lini për disa orë.
Rezultatet me siguri do t’ju habisin! /Telegrafi/