Një truk që do t’ju kënaqë: Shihni sesi lulet nga një buqetë mund të zgjasin deri në një vit

Provoni këtë truk që mund t’ju ndihmojë të parandaloni procesin e kalbjes së luleve tuaja

Shtëpia është gjithmonë më e bukur kur është e zbukuruar me lule të freskëta.

Megjithatë, kjo nuk është gjithmonë e mundur, sidomos gjatë ditëve të ftohta kur nuk ka shumë bimë, madje edhe nëse i gjeni, sigurisht që nuk do të mund të mbijetojnë gjatë në shtëpinë tuaj. Ato do të vyshken dhe thahen shumë shpejt.

Nëse dëshironi të parandaloni procesin e kalbjes së luleve tuaja të preferuara, nuk duhet t’i mbani në ujë për një kohë të gjatë, por është më mirë t’i transferoni në një enë të mbushur me vaj sa më shpejt të jetë e mundur.

Gjithçka që ju nevojitet është një shishe bosh dhe vaji për fëmijë. Nëse nuk keni vaj për fëmijë, mund ta zëvendësoni me vaj mineral ose parafine. Hidhni vajin në shishe, më pas shtoni lulet që dëshironi.

Mbylleni shishen fort dhe vendoseni në një vend të përshtatshëm në dhomën e ndenjes ose dhomën e gjumit, transmeton Telegrafi.

Lexo po ashtu Si t’i bëni lulet e prera të zgjasin më shumë

Lulet e ruajtura në këtë mënyrë mund të zgjasin deri në një vit. Duket po aq bukur sa një buqetë dhe lule në vazo. Me siguri do ta dekoroni mrekullisht shtëpinë tuaj.

/Telegrafi/