Një zjarr i madh shpërtheu në një fabrikë gomash në qytetin rus të Barnaul, i cili u lokalizua pasi mbuloi një sipërfaqe prej një mijë metrash katrorë, sipas mediave ruse. Pamjet e zjarrit po përhapen në rrjetet sociale.
Zjarri ka rënë në Altai, një fabrikë që prodhon goma për aeroplanë dhe pajisje ushtarake. Ai u lokalizua pas pesë orësh shuarje me zjarrin.
Në fikje e zjarrit kanë marrë pjesë 110 zjarrfikës me 33 automjete, ndërsa shuarjen e kanë vështirësuar temperaturat e ulëta dhe tymi i madh.
Тем временем в Барнауле горит Алтайский шинный комбинат Nortec pic.twitter.com/vOFzaEjUX6
— suleyman65 (@Rauf1615) December 9, 2022
Tre persona u shpëtuan nga fabrika ndërsa nuk ka të dhëna për viktima.
Shkaku i zjarrit ende nuk është bërë i ditur, ndërsa prokuroria vendase ka nisur hetimet.
Ndryshe, një zjarr i madh u shkaktua në një qendër tregtare në Moskë, ku të paktën një person ka vdekur. /Telegrafi/
Barnaul, tire factory. December 9, 2022.#russia #fire pic.twitter.com/OU4aJrSru4
— Russia on fire (@russiasonfire) December 9, 2022