Një tërmet me magnitudë 5.4 goditi Nepalin të shtunën, duke tronditur shtëpitë në vendin e Himalajeve dhe Indinë fqinje, thanë autoritetet, pasi një tërmet i fuqishëm në fillim të kësaj jave vrau një numër njerëzish.
Lëkundjet e forta u ndjenë në Nepal dhe në Indinë veriore, duke bërë që banorët të largoheshin me shpejtësi nga shtëpitë e tyre, por nuk pati raportime për viktima, thanë ata, transmeton Telegrafi.
Epiqendra e tërmetit me magnitudë 5.4 ishte në Patadewal në rrethin Bajhang, rreth 440 kilometra në perëndim të Katmandu, sipas Qendrës Kombëtare Sizmologjike.
Tërmeti ishte në një thellësi prej 10 kilometrave, tha Qendra Sizmologjike Evropiane-Mesdhetare (EMSC).
“Njerëzit dolën me nxitim nga shtëpitë pas tërmetit. Por ne nuk kemi marrë asnjë raport për lëndime dhe dëme deri më tani”, tha për Reuters, Baburam Aryal, zyrtari më i lartë i distriktit Bajhang. /Telegrafi/