Një tërmet me madhësi 7.4 ka tronditur Zelandën e Re me një epiqendër në Ishujt Kermadec rreth 710 kilometra larg bregdetit të Gisborne, në lindje të ishullit të Veriut
Sipas mediave të huaja, përcjell Telegrafi, mijëra banorë vendas raportuan se kanë ndjerë tërmetin dhe disa banorë në vijën bregdetare lindore të vendit u urdhëruan të evakuohen në vendet me lartësi më të madh, si një masë paraprake.
Me një fuqi prej 7.4 të shkallës Rihter do të thotë që tërmeti është në pesë më të fuqishmit deri më tani këtë vit, megjithëse nuk ka raporte për dëme.
Autoritetet e urgjencës që monitorojnë për çdo shenjë të cunamit kanë thënë se nuk ka asnjë kërcënim dhe kushdo që është evakuuar mund të kthehet në shtëpi.
Tërmeti thuhet se goditi pranë Ishujve Kermadec, rreth 710 km larg Gisborne, në bregdetin lindor të ishullit të Veriut. /Telegrafi/
There is no tsunami threat to New Zealand following the M7.4 SOUTH OF THE KERMADEC ISLANDS earthquake. Based on current information, the initial assessment is that the earthquake is unlikely to have caused a tsunami that will pose a threat to New Zealand.
— National Emergency Management Agency (@NZcivildefence) June 18, 2020