Një stuhi e rrallë si uragani po godet ishujt në Greqinë perëndimore, duke sjellë shi të rrëmbyeshëm dhe ndërprerje të energjisë elektrike.
Sipas BBC, përcjell Telegrafi, stuhia Ianos përshkruhet si një “medicane” (uragan mesdhetar), një fenomen që u shfaq për herë të parë në Greqi në 1995.
Cikloni po lëviz drejt lindjes, kështu që në fundjavë erërat – tani deri në 117 km/orë (73 milje në orë) – janë “të vendosura” të godasin Peloponezin, më pas Athinën dhe Kretën.
“Pemët po bien kudo”, tha guvernatori i Ishujve Jon Rodi Kratsa.
Ka njoftime për rrugë të përmbytura, ndërprerje të energjisë elektrike dhe ndërprerje të transportit në ishujt e Kefalonia, Zakynthos dhe Ithaca.
Në afërsi të Peloponezit perëndimor, një anije që besohet se mban 55 migrantë është në ankth dhe roja e bregdetit grek u ka kërkuar anijeve aty pranë të ndihmojnë, raporton agjencia e lajmeve AFP. /Telegrafi/
