Një studim që zgjati 85 vjet doli në përfundime të habitshme
Ndërsa jeni ulur në zyrën tuaj dhe ndoshta shpesh mendoni se keni punën më të keqe ose se jeni të paguar pak, një studim sjell rezultate interesante në pyetjen se cilat janë punët më të palumtura në botë dhe çfarë duhet bërë për të arritur lumturinë në vendin e punës.
Një studim i Harvardit që zgjati 85 vjet dhe përfshiu rreth 700 njerëz nga e gjithë bota tregoi se punët më të vetmuara janë në të vërtetë ato më të palumturat.
Nga ana tjetër, ai hulumtim, i cili konsiderohet si një nga studimet më të gjata mbi lumturinë dhe ekuilibrin midis punës dhe jetës private, konfirmoi atë që të gjithë pak a shumë e dinin – puna në grup është thelbësore si për produktivitetin ashtu edhe për moralin e punonjësve, transmeton Telegrafi.
“Asnjë njeri nuk është si një ishull”
Robert Waldinger, profesor i psikiatrisë në Shkollën Mjekësore të Harvardit dhe drejtor i Studimit të Harvardit për Zhvillimin e të Rriturve, shpjegoi se punët që kërkojnë pak ose aspak ndërveprim njerëzor nuk ofrojnë asnjë mundësi për kontakt me bashkëmoshatarët dhe kanë punonjës që ndihen “më të mjerë”. Ai beson se lidhja me njerëzit i bën njerëzit të ndihen më të kënaqur me punën e tyre dhe të punojnë më mirë.
Vetmia në punë është më e zakonshme nga sa mendojnë të gjithë
Puna në distancë është bërë më e zakonshme, veçanërisht pas pandemisë së coronavirusit, dhe kjo më së shpeshti i referohet fushave si shpërndarja e ushqimit, shërbimet e shitjes me pakicë dhe të ngjashme ku punëtorët punojnë plotësisht të izoluar nga kolegët, gjë që në të njëjtën kohë i bën ata të vetmuar.
Shqetësimet me bizneset që përballen me klientët
Ata që punojnë në distancë nuk janë të vetmit që preken nga vetmia në punë. Studimi tregoi se punët në shërbim ku punonjësit kalojnë kohë duke u marrë me klientë të “zemëruar” kanë pak mundësi për t’u socializuar me kolegët dhe kjo mund të shkaktojë depresion për shkak të stresit.
Kultivoni marrëdhënie të mira në vendin e punës
Zhvillimi i lidhjeve me të tjerët në punë mund t’ju ndihmojë të jeni më produktiv dhe të rrisni moralin në të njëjtën kohë. Ekspertët këshillojnë se është më ideale të gjeni bashkëpunëtorë që kanë interesa të ngjashme me ju, madje edhe hobi si librat dhe disa lojëra. Ju mund të krijoni një grup ku mund të rrini. Për ta dashur punën tuaj, ndonjëherë është e nevojshme të kërkoni ndihmë ose mentorim nga të tjerët.
Çelësi për një mjedis të mirë pune është puna me ekip dhe marrëdhëniet e mira me kolegët. Marrëdhënie dhe lidhje të tilla ulin nivelin e stresit dhe mundësinë për t’u kthyer nga puna në shtëpi të zemëruar dhe të irrituar. /Telegrafi/