FIFA kishte organizuar një mbrëmje spektakolare, por nuk ka shkuar gjithçka në mënyrë perfekt.
Në teatrin e Milanos “La Scala”, u ndanë çmimet për më të mirët e vitit, ku kishte edhe mungesa të rëndësishme si ajo e Cristiano Ronaldos.
Një situatë e sikletshme ndodhi edhe mes trajnerit portugez Jose Mourinho dhe prezantueses Ilaria D’Amico, që është njëkohësisht edhe e dashuruar e portierit legjendar italian Gigi Buffon.
Trajner portugez u pyet se kush do ta mund ta stërvitë formacionin më të mirë të shpallur nga FIFA, duke dhënë një përgjigje që shkaktoi të qeshura e humor në sallë, por vazhdimi i dialogut më pas, nuk i pëlqeu dhe u largua nga skena.
@selecaoportugal @UEFAcom Jose Mourinho what a mood! 😭🤣😂 #FIFABestAwards #FIFAFootballAward pic.twitter.com/mCxB7WXMWS
— spittahfire (@spittahfire) September 23, 2019
“Formacionin më të mirë mund ta stërvitë ndonjë trajner i papunë si unë dhe Capello, apo Zenga, sepse të tjerët nuk mund të stërvitin dy skuadra njëkohësisht”, ka thënë portugezi.
D’Amico e vazhdoi bisedën duke i ngacmuar për sinqeritetin që ka kur thotë se është i papunë dhe kjo nuk i pëlqeu Mourinhos, që e la skenën dhe u largua, pavarësisht se D’Amicos i kërkoi të qëndronte akoma aty. /Telegrafi/