Një burrë i quajtur Tizzy Tay në TikTok ndau një video në të cilën zbuloi se si përgatitet një omëletë në McDonald’s.
Tay e fillon videon, të titulluar “Omeletat e McDonald’s janë bërë kështu”, duke vendosur kallëpe drejtkëndëshe në skarë përpara se të spërkasë lëngun që duket si gjalpë në skarë.
Pastaj ai derdhi një përzierje vezësh nga një kuti me fjalët “Produkt i lëngshëm i vezëve” në kallëp. Duke i përzier herë pas here, pret derisa vezët të skuqen mjaftueshëm dhe i ndan ato në disa pjesë.
Megjithatë, video nuk i ka gëzuar përdoruesit të cilët kanë shprehur zhgënjim në komente.
“Nuk është çudi që ata kanë një shije të rreme”, komentoi një përdorues. “E neveritshme. Le të mos pretendojmë se nuk e dinim tashmë këtë”, ka shkruar një tjetër.
Disa përdorues theksuan gjithashtu se McDonald’s është një restorant i ushqimit të shpejtë dhe nuk duhet pritur standarde shumë të larta.
Faqja e internetit e McDonald’s thotë se ata përdorin “gjalpë të lëngshëm të vërtetë” për omëletat.
Gjithashtu, faqja pretendon se përdor vezë të freskëta të klasit A, por vetëm për disa pjata. /Telegrafi/