Një person është sulmuar me thikë nga tre persona të panjohur në Parkun e Qytetit në Prishtinë.
Si pasojë, viktima ka pësuar lëndime dhe ka marrë tretman mjekësor në QKUK.
Sipas njoftimit të Policisë, të dyshuarit, viktimës ia kishin grabitë një çantë në të cilën kishte të holla dhe një telefon celular.
Në vendin e ngjarjes kanë dalë njësitë relevante të policisë, por nuk raportohet për një të arrestuar.
“Rr. Shpëtim Robaj, Prishtinë 02.02.2019-16:16. Viktima mashkull K/Shqiptar ka raportuar se te parku i qytetit nga tre persona të panjohur ishte sulmuar me mjet të mprehtë – thikë dhe kishte pësuar lëndime i cili është duke marrë tretman mjekësor në QKUK. Të dyshuarit, viktimës ia kishin grabitë një çantë në të cilën kishte të holla dhe një telefon celular. Në vendin e ngjarjes kanë dalë njësitë relevante të policisë, nuk raportohet për një të arrestuar”, thuhet në raportin 24 orësh të Policisë së Kosovës. /Telegrafi/