Tridhjetë e katër vjeçari nga fshati Koritë të Gostivarit mbrëmë ka qenë i plagosur me armë zjarri në pjesën e stomakut.
Nga MPB-ja kumtuan se rreth orës 17:30 në Qendrën për Raportime Tetovë, nga Qendra Urgjente në Gostivar, është paraqitur se te ato është sjell A.SH me lëndime me armë zjarri në pjesën e djathtë të stomakut. I lënduari me automjetin e ndihmës së shpejtë, është dërguar në Qendrën Urgjente pranë kompleksit “Nëna Terezë” në Shkup, përcjell Telegrafi Maqedoni.
Hetimin e vendit të ngjarjes e ka kryer ekipi i Stacionit Policor Gostivar. Po ndërmerren të gjitha masat për zbardhjen e rastit./Telegrafi/