Një person ka pësuar lëndime në një aksident komunikacioni që ka ndodhur sot rreth orës 7:30 të mëngjesit, afër furrës “Qerimi” në lagjen “Bregu i Diellit” në Prishtinë.
Lajmin e ka konfirmuar për Telegrafin zëdhënësi i Policisë së Kosovës për rajonin e Prishtinës, Agron Borovci.
“Një person ka pësuar lëndime dhe është dërguar në QKUK, si pasojë e aksidentit që ka ndodhur sot në mëngjes, ku janë përfshirë dy vetura”, ka thënë shkurt Borovci.
Policia ka dal menjëherë në vendin e ngjarjes dhe është duke zhvilluar hetimet në zbardhjen e plotë të rrethanave të këtij aksidenti. /Telegrafi/
