Shfaqjet e makinave mund të kenë humbur një pjesë të madhe të shkëlqimit të tyre vitet e fundit.
Dhe për këtë mund të “fajësojnë” internetin ose ndoshta vetëm zvogëlimin e vëmendjes sonë kolektive.
Por disa ngjarje ende mund të arrijnë shkëlqimin duke prezantuar “debutime” interesante të makinave, përcjell Telegrafi.
Një ndër to pritet të jetë edhe panairi i automjeteve në Paris, ose nëse doni të tingëlloni më i sofistikuar, Mondial de l’automobile de Paris (në frëngjisht).
Këtë vit, shfaqja do të zhvillohet nga 14 deri më 20 tetor në zemër të Parisit.
Aty janë paralajmëruar debutime të shumta, që nga Alfa Romeo Tonale MY2025, Alpine A110 R Ultime, Audi Q6 E-Tron Sportback, BYD Sealion 7, Citroen Ami, Citroen C5 Aircross Concept, Mini Cooper Convertible – dhe jo vetëm. /Telegrafi/