Cheryl Allisonin nuk e ndaloi pandemia e COVID-19 që të bënte miq të rinj.
Në mars 2020, ndërsa kalonte kohën duke ecur në një park aty pranë, ajo takoi një patë për të cilën më në fund filmoi një dokumentar të gjatë të quajtur “Honk: A Goose, a Girl, and a Fairy Tale Ending”.
“U habita shumë kur filloi të më ndiqte dhe të sillej sikur më njihte. Nuk mund t’i besoja emocionet që ai tregoi”, tha regjisorja e filmave për patën që ajo e quajti Honk.
“Gjatë kohës së distancimit shoqëror, kurrë nuk mendoja se një patë do të ndihmonte të mbushte boshllëkun e krijuar duke mos parë familjen ose miqtë”, shtoi ajo.
Honk përfundimisht u bë miku më i mirë i Allison gjersa fotot dhe videot e tyre duke u shoqëruar u bënë të njohura në mediat sociale.
Edhe përpara se Honk të fitonte mijëra ndjekës në mediat sociale, Allison mendoi të bënte një film për të, ndoshta një film të shkurtër edukativ për problemin e braktisjes së rosës dhe patës. /Telegrafi/
