Telegrafi

Një pasim maestral dhe dy pritje fantastike nga portieri i Arsenalit ndaj Leicesterit

Driton Gajraku

Aaron Ramsdale realizoi një pasim mjaft mahnitës dhe dy pritje gjatë ndeshjes së Arsenalit kundër Leicester të shtunën pasdite.

Shumë pikëpyetje u ngritën kur Topçinjtë nënshkruan me gardianin për 30 milionë euro këtë verë.

Por, ai është duke e vërtetuar deri më tani se ia ka vlejtur çdo cent i dhënë për të.

Ramsdale është një pritës i mirë, por është tani pasimi i tij që i ka impresionuar vërtet tifozët e Arsenalit.

Dhe pasimi i tij drejt e te shoku të skuadrës në pjesën e parë të lojës së Arsenalit në stadiumin King Power ishte një gjë e mrekullueshme.

Ederson është portieri më i mirë në Ligën Premier kur bëhet fjalë për pasime, por Ramsdale me siguri nuk është shumë mbrapa.

Disa minuta më vonë, Ramsdale bëri një pritje të jashtëzakonshme të dyfishtë për të mohuar James Maddison dhe më pas Jonny Evansin.

Goditja e lirë e Maddison dukej e destinuar për këndin e sipërm, por Ramsdale disi arriti ta largonte me gishtërinj.

Evans më pas ishte i pozicionuar mirë për të rikthyer topin, por 23-vjeçari tregoi reagime të mëdha për t’i mohuar mbrojtësit të Leicesterit golin.

Vërtet e jashtëzakonshme. Kjo mund të jetë pritja e sezonit në Ligën Premier deri më tani. /Telegrafi/