Gazetari spanjoll Edu Aguirre, një nga miqtë më të ngushtë të Cristiano Ronaldos, pretendon se superylli i Manchester United ka vendosur të mos bashkohet me Napolin.
Aguirre zbuloi gjatë El Chiringuito se ish- sulmuesi i Juventusit nuk është i gatshëm të bashkohet me Partenopeit.
Gazetari spanjoll është një nga miqtë më të ngushtë të Ronaldos dhe shpesh e vizitonte atë në Torino kur CR7 luante për Juventusin.
Lojtari 37-vjeçar po kërkon një rrugë shpëtimi nga Old Trafford pasi dëshiron të luajë futboll në Ligën e Kampionëve.
Agjenti i tij Jorge Mendes ia kishte ofruar Napolit, duke i lejuar United të nënshkruante Victor Osimhen për më shumë se 100 milionë euro. Ronaldo do të ishte transferuar në “Stadio Maradona” në formë huazimi me një pjesë të pagës së paguar nga Djajtë e Kuq.
Megjithatë, United tani është afër nënshkrimit të yllit të Ajaxit, Antony për rreth 100 milionë euro, kështu që një investim i ngjashëm në Osimhen duket i pamundur.
Ronaldo shënoi 101 gola në 134 paraqitje me Juventusin gjatë periudhës së tij trevjeçare në Torino. /Telegrafi/