Interneti është me të vërtetë një vend ku mund të hasim përmbajtje të shumta të papërshtatshme, por kjo tashmë është e zakonshme. Megjithatë, ky problem ka filluar të shfaqet gjithnjë e më shumë në platformat e fëmijëve, të cilët besohet se janë më të mbrojtura se të tjerat. Ose të paktën duhet të jetë.
Kështu që një nënë, Hannah Bishop, publikoi një video duke paralajmëruar të gjithë prindërit në llogarinë e saj TikTok, @beautyby_hannah.b, pasi pa se çfarë po shikonte djali i saj dyvjeçar në YouTube.
Gjegjësisht, ajo u trondit kur pa krejt rastësisht se në një video në YouTube të filmit vizatimor shumë të njohur Tomica and Friends, në një moment një tren kërcënon të vrasë të gjithë fëmijët. Ajo e publikoi videon për të paralajmëruar të gjithë prindërit që të mbajnë një sy tek fëmijët e tyre ndërsa shikojnë filma të shkurtër në internet.
“Kini kujdes se çfarë shikojnë fëmijët tuaj në YouTube, këtë e pashë rastësisht dhe më tronditi”, ka shkruar ajo me videon, e cila u bë shumë shpejt virale dhe aktualisht ka 4.6 milionë shikime.
Shumë prindër të tjerë dolën menjëherë në komente dhe pranuan se tani e tutje do të kontrollojnë më shpesh se çfarë po shikojnë të vegjlit e tyre në këtë platformë.
“Faleminderit për këtë, nuk e kisha idenë që diçka e tillë mund të përfshihej edhe në një film vizatimor”, është vetëm një nga komentet. /Telegrafi/