Biden tha se Shtetet e Bashkuara kanë humbur më shumë jetë nga ky virus sesa çdo komb tjetër në botë.
Me një minutë heshtje, me 500 qirinj të ndezur, në shkallët e Shtëpisë së Bardhë, presidenti i Shteteve të Bashkuara të Amerikës (SHBA), Joseph Biden dhe Zonja e Parë, Jill Biden, nënpresidentja, Kamala Harris dhe burri i saj bënë homazhe mbrëmë për 500 mijë amerikanët që vdiqën nga coronavirusi.
“Sot shënohet një moment i zymtë, i tmerrshëm – 500.071 të vdekur. Më shumë amerikanë vdiqën në një vit të kësaj pandemie sesa në Luftën e Parë Botërore, Luftën e Dytë Botërore dhe Vietnamin së bashku”, tha ai, raporton bbc.
Tune in as President Biden delivers remarks and observes a moment of silence for the lives lost to COVID-19. https://t.co/5oNg5jahuS
— The White House (@WhiteHouse) February 22, 2021
Ai tha se si komb, ata nuk mund ta pranojnë një fat kaq të egër dhe se ata nuk duhet të bëhen të mpirë nga pikëllimi, edhe pse ata kanë luftuar një pandemi për një kohë të gjatë.
Biden gjithashtu u bëri thirrje amerikanëve që të vazhdojnë të mbajnë maska, të respektojnë rregullat e distancës shoqërore dhe të marrin vaksinat kur është radha e tyre.
Presidenti amerikan urdhëroi që flamujt të uleshin në gjysmë shtizë në ndërtesat publike nga muzgu, më 26 shkurt. Kambanat në Katedralen Kombëtare ranë 500 herë të hënën. /Telegrafi/
A moment of silence and a rendition of "Amazing Grace" to honor the 500,000 Americans who have now died from COVID-19.
President Biden says a small prayer to himself before going back into the White House. pic.twitter.com/PodjQLXiS0
— Norah O'Donnell 🇺🇸 (@NorahODonnell) February 22, 2021