Seriali “O Sa Mirë” sjell çdo të diele skena plot humor për shqiptarët, ndërsa dalë nga dalë është kthyer në një prej serialeve më të dashur për publikun.
Personazhet e “O Sa Mirë” tashmë njihen nga të gjithë, dhe tërheqin vëmendjen e fansave kudo ku ata shfaqen, qoftë edhe në rrugë apo ndonjë lokal në kryeqytet.
Telegrafi së fundmi ka pasur rastin t’i shohë në një nga lokalet e qytetit disa prej aktorëve më të pëlqyer të këtij seriali, teksa luajnë një lojë pikado në një nga qendrat argëtuese në Prishtinë.
Jeton Zogiani, Kushtrim Qerimi dhe Ernest Zymberi janë ndër tre aktorët më të pëlqyer në serial, të cilët këtë herë u kapën nga kamera e Telegrafit duke u ç’lodhur në një ditë të zakonshme, jashtë angazhimeve në aktrim.
Duket se seriali nuk është i vetmi vend që i bashkon ata, pasi aktorët në fjalë ruajnë mes vete një miqësi shumë të mirë edhe jashtë angazhimeve të tyre në “O Sa Mirë”. /Telegrafi/
