KFOR-i ka bërë të ditur se nga 27 shtatori deri më 2 nëntor 2022 do të kryejë një stërvitje rutinë për një nga njësitë e tij rezervë.
KFOR me këtë rast njofton se kjo do të rezultojë me një rritje të përkohshme e numrit të trupave në terren, raporton Telegrafi.
“Një kontingjent ushtarak nga Mbretëria e Bashkuar do të arrijë në Kosovë më 11 shtator për aktivitetet e njohjes dhe integrimit me asetet dhe personelin e KFOR-it përpara ushtrimit.
Njësitë do të kryejnë aktivitete stërvitore për të ruajtur nivelin e lartë të gatishmërisë dhe kontribuojnë në ruajtjen e një mjedisi të sigurt dhe të sigurojnë lirinë e lëvizjes për të gjithë njerëzit në Kosovë, siç është mandatuar nga Rezoluta 1244 e Këshillit të Sigurimit të OKB-së 1999.
Në përfundim të stërvitjes, kontingjenti ushtarak do të niset nga Kosova dhe kthehet në Mbretërinë e Bashkuar”, thuhet në njoftimin e KFOR-it. /Telegrafi/