Real Madridi e ka siguruar kalimin në finalen e Ligës së Kampionëve që do të mbahet në Kiev, ku personi kyç në këtë triumf ishte Keylor Navas.
Portieri zhvilloi ndeshjen më të mirë në Santiago Bernabeu, duke e eliminuar Bayern Munichun.
Kanë qenë tetë momente vendimtare ku ai ndali topin të shkojë drejt rrjetës me rastet e Lewandowskit, Alabas dhe Tolissos.
Përveç disa gabimeve të vogla, Navas ka shuar debatin se Real Madridit i duhet një portier tjetër.
Ai i ka fituar tashëm dy trofe të Ligës së Kampionëve, tani është në kërkim të tretit.
“Jam shumë i lumtur, faleminderit zotit, ishte ndeshje e fortë me një klub të madh”.
“Vuajtëm shumë, por jemi në finale, gjë që e dëshironim, jemi duke e bërë historinë”.
“Ne do të përgatisim mirë finalen, duke respektuar kundërshtarin, por me shumë dëshirë për të fituar”.
“Unë dua t’i falënderoj tifozët për mbështetjen e tyre dhe do të shkojmë me të njëjtin mentalitet në Kiev”, ka thënë Navas. /Telegrafi/
https://www.youtube.com/watch?v=UTu8Ah6UWuI