Një grua nga Teksas ka kërkuar ndihmë në identifikimin e një kafshe misterioze në lagjen e saj të cilën ajo e zbuloi përmes kamerës së saj.
Tina Kahlig tha se u tregua e shpejtë për të bërë fotografi kur ajo shikoi nga jashtë shtëpisë së saj në Hill Country Village, dhe vuri re diçka që e la atë “të trullosur”.
“Isha brenda dhe shikova drejt oborrit”, bëri të ditur Kahlig, duke shtuar: “Dhe e pash një kafshë mu këtu, dhe mendova ‘Uau, çfarë është kjo krijesë?”, shkruan UPI, përcjell Telegrafi.
Tutje ajo deklaroi se krijesa po ushqehej me manaferra të cilat kishin rënë nga një shkurre.
Fotot e saja Kahlig i postoi tek NextDoor, ku fqinjët i ofruan teoritë e tyre, duke përfshirë edhe disa sugjerime se ajo kishte zbuluar “chupacabra-n” mitike.
Ajo tha se disa njerëz mendojnë se kafsha në fjalë është një përzierje mes një kojote dhe një qeni.
Legjenda lokale thotë se një luan i malit jeton pranë Hill Country Village, por zyrtarët e qytetit thanë se kafsha në fjalë nuk është kapur kurrë nga kamera. /Telegrafi/