Një grua është sulmuar nga qentë endacakë në parkun e lagjes ‘Dardania’ në Prishtinë.
Rastin e ka treguar vetë qytetarja Diellza Rama, e cila ka thënë se është shtatzënë, teksa ka publikuar edhe fotografi në Facebook.
Ajo ka thënë se pasi i janë versulur qentë, është rrezuar duke marrë lëndime trupore.
“Jam sulmuar nga 5-6 qenë, të cilët më janë vërsulur dhe më kanë rrëzuar, ku kam marr lëndime në bark, krahë dhe gjunjë, por fatmirësisht i shpëtova më të keqës. Mirëpo traumat, shqetësimet dhe frika për rrezikimin e jetës time dhe femijës që po pres nuk më janë larguar derisa erdhi emergjenca, më dërguan dhe më trajtuan në QKUK”, tha Rama.
Qytetarja iu bëri thirrje Komunës së Prishitnës, që t’i jepet fund këtij problemi të kahmotshëm të kryeqytetit.
Ndërkaq, komuna është duke e përgatitur rregulloren për trajtimin e qenëve endacakë.
Në rregullore do të përfshihet edhe mënyra se si mund të adoptohet një qen i tillë, të cilin do ta trajtojë falas në çfarëdo kohe veterinari i Kryeqytetit në qendrën për trajtimin e tyre e cila gjendet në Hajvali të Prishtinës dhe do të hapet së shpejti.
Po ashtu, Komuna e Prishtinës do të ndajë nga 50 euro në muaj për qytetarët që adoptojnë qen endacakë./Telegrafi/
