Një grua mbeti e tmerruar kur i tha njërit prej shefave të saj se duhej të mungonte në punë për të parë motrën e saj që po vdiste.
Sipas mediave të huaja, përcjell Telegrafi, Hillary Zinks, e cila punon si grimiere në industrinë e filmit, kishte pasur një telefonatë makthi muajin e kaluar ku ishte njoftuar se motra e saj ishte shtruar në spital dhe ishte shpallur “e vdekur nga truri”.
Kështu, gjatë rrugës për në spitalin në Las Vegas, ajo thirri punëdhënësit e saj për t’i njoftuar ata për situatën urgjente.
Gruaja kryente edhe një punë tjetër si kamariere në një restorant lokal – por mori reagime shumë të ndryshme nga shefat kur ajo kërkoi pushim.
Hillary tha në një video tashmë virale të TikTok se shefi i industrisë së saj të filmit ishte shumë i kuptueshëm.
Megjithatë, përgjigja ishte krejt e kundërt kur ajo e njoftoi shefen e restorantit.
Ajo lexoi mesazhin me tekst nga menaxherja e saj, që thoshte: “Unë e kuptoj dhe më vjen keq për atë që po përjetoni. Por jam kurioz të di pse po më njoftoni dy orë para turnit tuaj?”.
Menaxherja gjithashtu i la një mesazh shumë dëshpërues Hillary-t duke shpjeguar se si ajo priste që punonjësit e saj të shfaqeshin në punë.
“Unë isha e zemëruar dhe e mërzitur për këtë gjatë pjesës tjetër të udhëtimit”, tha Hillary.
“Sa më shumë i afrohesha spitalit, aq më shumë e kuptoja se sjellja e saj ishte absolutisht e papranueshme dhe nuk mund të punoja më nën drejtimin e saj”.
Dhe pak para se të linte punën e kamarieres, ajo i dërgoi menaxheres së saj një foto të saj duke mbajtur për dore motrën e saj – duke ia treguar edhe gishtin e mesëm.
Disa ditë pas ndërveprimit të tmerrshëm, Hillary mori një telefonatë nga restoranti dhe iu tha se shefja e saj e vjetër nuk punonte më atje. /Telegrafi/