Partia Socialdemokrate Gjermane (SPD) dëshiron që Barbel Bas të jetë presidente e Dhomës së Poshtme të Bundestagut, në mënyrë që funksionet më të larta të mos kryhen vetëm nga burrat.
Bas, e cila ka qenë nënkryetare e grupit parlamentar të SPD-së që nga viti 2019, do të ishte gruaja e tretë që kryen funksionin e presidentit të Bundestagut dhe Bordi Ekzekutiv i grupit parlamentar të SPD-së që mbështeti njëzëri këtë propozim.
Kreu i SPD, Olaf Scholz, është pasardhësi më i mundshëm i Angela Merkelit si kancelar, në qeverinë e re që do të formohet pas zgjedhjeve parlamentare të muajit të kaluar, ndërsa presidenti federal Frank-Walter Steinmeier ka konfirmuar synimin për të shërbyer edhe një mandat si president federal, raporton politico.
Socialdemokratët do të mbanin të tre postet më të larta shtetërore nëse Steinmeier, Scholz dhe Bas do të konfirmonin mandatet e tyre. Propozimi për të emëruar Basin si presidente të Bundestagut, i cili pritet të miratohet zyrtarisht nga grupi parlamentar i SPD-së, përmirëson shanset e Steinmeier për të qëndruar në postin e presidentit federal.
Sidoqoftë, nëse presidenca e Bundestagut i besohet një burri, kjo do të forconte argumentin për presidenten e parë federal të vendit.
Edhe pse Gjermania është udhëhequr nga një kancelare grua në 16 vitet e fundit, ato përbëjnë vetëm 34.7 për qind në Bundestagun e ri, që është rreth 4 për qind më shumë se parlamenti i mëparshëm gjerman. /Telegrafi/