Qyteti australian i Melburnit u trondit të enjten nga një tragjedi e tmerrshme në të cilën një nënë me prejardhje kroate vrau tre fëmijët dhe pastaj veten.
Sipas mediave të huaja, përcjell Telegrafi, trupat e Katie Perinovic dhe dy vajzave të saj Claire (7) dhe Anne (5), si dhe djalit Matthew (5) u gjetën në shtëpinë e tyre në Tullamarine, një periferi në Melburnin verior.
Trupat u gjetën nga burri i saj Tomislav (48) i cili thirri shërbimet e urgjencës, policia e mori në pyetje dhe më pas ai u la i lirë.
Siç supozohet, nëna vrau tre fëmijët, dhe pastaj veten.
Mediat Australiane shkruajnë se ajo e bëri atë me thikë, por deri më tani nuk ka asnjë konfirmim të policisë.
Dhe ndërsa policia heton rrethanat e hollësishme të tragjedisë, fqinjët mezi pajtohen me tragjedinë që pësoi Tullamarine, një periferi në veri të Melburnit.
Disa fqinjë kanë thënë se Katie nuk dukej mire muajt e fundit, se ajo ishte tërhequr gjatë karantinës së vendosur për shkak të coronavirusit dhe se ishte në depresion.
Por tani për tani, këto janë vetëm spekulime për të cilat nuk ka konfirmim zyrtar. /Telegrafi/