Ish-instruktorja e jogës e Adam Levine, Alanna Zabel e katërta nga pesë gratë që akuzoi këngëtarin e martuar të Maroon 5 për dërgimin e mesazheve flirtuese, pretendon se ai e trajtoi atë si “plehra të përdorura”.
“Kjo nuk ka të bëjë me një lidhje dashurie apo një tekst të çuditshëm, ka të bëjë me të qenit një qenie njerëzore e mirë”, tha Alanna Zabel, mësuesja personal e jogës e muzikantit nga viti 2007 deri në 2010.
“Miqtë nuk e trajtojnë njëri-tjetrin si mbeturina të përdorura, dhe kështu më trajtoi ai mua”, tha ajo.
Në fillim të kësaj jave, Zabel, 49 vjeç, akuzoi publikisht Levine, 43, se i kishte dërguar asaj një mesazh ku shkruhej: “Dua ta kaloj ditën lakuriq me ty”.
Edhe pse ajo mendoi se mesazhi mund të kishte qenë i destinuar për të dashurën e tij në atë kohë, Zabel pretendoi se kjo çoi në një sherr fizik me të dashurin e saj të atëhershëm.
Në atë kohë, Zabel tha se po bëhej gati t’i bashkohej Maroon 5 në një turne tre mujor si instruktore e jogës së grupit, por ajo pretendon se Levine injoroi mesazhin e saj për atë që ndodhi, kurrë nuk kërkoi falje për dërgimin e ‘tekstit flirtues’ dhe e largoi nga koncerti em grupin e tij.
“Ndjeva se ne kujdeseshim për njëri-tjetrin dhe ai më largoi gjatë një kohe thellësisht shqetësuese” tha ajo për DailyMail.
Akuzuesja e parë e Levine, një modele në Instagram me emrin Sumner Stroh, u bë virale pasi pretendoi se ajo kishte një lidhje me këngëtarin vitin e kaluar – gruaja e të cilit, Behati Prinsloo, është shtatzënë me fëmijën e tyre të tretë.
23-vjeçarja pohoi se Levine u kthye në jetën e saj për të pyetur për emërimin e djalit të tij të ardhshëm pas saj.
Megjithëse artisti pranoi se “kapërceu kufirin”, ai mohoi se kishte tradhtuar fizikisht modelen e Victoria’s Secret, 34 vjeçe.
“Kur kuptova se Adami e kishte pyetur këtë ndikues nëse mund t’i vinte fëmijës së tij emrin e saj, e pashë atë në një këndvështrim krejtësisht tjetër dhe vendosa se më në fund ishte koha për ta ndarë këtë”, shpjegoi Zabel për akuzën.
“Nëse do të doja 15 minutat e mia të famës, do të kisha dalë në publik me këtë shumë kohë më parë”, tha ajo.
Ajo shpreson që muzikanti do të mësojë nga gabimet e tij tashmë shumë publike.
“Është e thjeshtë. Mos bëni hov. Mos i trajtoni gratë sikur janë të disponueshme ose se vlera e tyre bazohet vetëm në pamjen e tyre. Dhe për hir të Zotit, të lutem bëhu model për vajzat e tua të reja. Fëmijët mësojnë nga ajo që shohin shumë më tepër sesa nga ajo që u thuhet”, përfundoi instruktorja.
Levine ndërkohë nuk ka folur publikisht ende në lidhje me pretendimet e Zabelit. /Telegrafi/
