A mund ta zgjidhni këtë enigmë?
Një copë guri ranor me vija dhe konkav që të kujtojnë një shfaqje figurative ka habitur shkencëtarët në Britaninë e Madhe që nga vera e kaluar, aq sa ata vendosën të kërkojnë ndihmën e publikut.
Gjatë gërmimit në kodrën Nescliffe, pranë Shrewsbury-t, në Britaninë e Madhe, arkeologët hasën në një copë guri ranor, të datuar në 500 vjet para erës së re.
Kur e panë pak më nga afër, kuptuan se nuk ishte thjesht një copë guri i zakonshëm, por që një herë e një kohë mbi të ishin gdhendur vija dhe një pjesë ishte thelluar për t’i ngjarë paraqitjes së një figure me brirë në kokë që mban diçka në dorë, transmeton Telegrafi.
Nesscliffe Hill sandstone carvings puzzle archaeologistshttps://t.co/oHMwoIZuTk pic.twitter.com/oAt6xLtKPo
— Archaeological News, Paranormal, Space and UFO (@nevadaknight67) January 18, 2023
Sipas arkeologut dhe udhëheqësit të gërmimeve Gary Locke të Oksfordit, fortifikimi brenda të cilit u gjet glifi, ka shumë të ngjarë të ishte ndërtuar për t’u bërë përshtypje fqinjëve dhe për qëllime ceremoniale, sesa për mbrojtje siç spekulohej më parë. Ajo që është interesante për këtë vend është fakti se ajo ka qenë e banuar jo vetëm gjatë epokës së hekurit, por edhe gjatë pushtimit romak. Shkencëtarët i bëjnë këto pretendime bazuar në fragmente të shumta qeramike të shekullit të 2-të që ata zbuluan dhe dokumentuan me kujdes verën e kaluar.
Megjithatë, ajo që ende shkakton më shumë dhimbje koke është gdhendja misterioze, kuptimin e së cilës ata nuk e kanë deshifruar ende dhe për të cilën nuk kanë gjetur ende paralele mes gjetjeve të tjera nga epoka e hekurit. Pse vendosën të thërrasin publikun e gjerë dhe të kërkojnë ndihmë për t’i ndihmuar ata të zgjidhin misterin dhe t’u thonë – çfarë u kujton atyre dhe a kanë parë tashmë diçka të ngjashme diku?
Studiuesit shpjegojnë se ushtria romake kultivoi një kult të hyjnive “me brirë” dhe se gjurmët e tij ekzistojnë në disa vende në të gjithë Britaninë e Madhe. Prandaj lind pyetja – a ka lidhje kjo paraqitje figurative me atë praktikë? Ose ndoshta edhe me “shenjat” që druidët gjoja u bënin viktimave gjatë sakrificave. /Telegrafi/